கோதுமை மாவை பணியாரம் செய்வதற்கு இரண்டு அல்லது மூன்றுமணிநேரம் முன்பாகவே உப்பு மட்டும் சேர்த்து அடை மாவு பதத்துக்குக் கரைத்து வைக்கவேண்டியது மிகவும் முக்கியம். கரைத்து ஊறவிட்ட மாவில், இனிப்பு, காரம் இரண்டு வகைப் பணியாரமும் செய்துகொள்ளலாம்.
காரப்பணியாரம் செய்யத் தேவையான பொருட்கள்:-
கோதுமை மாவு - 1 கப்
நறுக்கிய பெரிய வெங்காயம் - 1
பச்சை மிளகாய் - 3
தேங்காய்த்துருவல் - சிறிதளவு
எண்ணெய் - தேவையான அளவு
கடுகு - 1/2 தேக்கரண்டி
உளுத்தம்பருப்பு - 1 தேக்கரண்டி
கறிவேப்பிலை - சிறிதளவு
உப்பு - தேவையான அளவு
சோடா உப்பு - 1 சிட்டிகை
செய்முறை:-
கோதுமை மாவை மூன்று மணி நேரத்துக்கு முன்பாகவே கெட்டியாகக் கரைத்துவைக்கவும்.
வாணலியில் எண்ணெய் ஊற்றி, கடுகு, உளுத்தம்பருப்பு, கறிவேப்பிலை இட்டுத் தாளிக்கவும். அதனுடன் பொடியாக நறுக்கிய வெங்காயம், பச்சை மிளகாயைச் சேர்த்து வதக்கவும். வெங்காயம் பொன்னிறமானதும் அடுப்பை அணைத்துவிடவும்.
வதக்கிய வெங்காயக் கலவையை, கரைத்து வைத்த கோதுமை மாவில் சேர்த்து, திட்டமாக உப்புப் போட்டுக்கொள்ளவும். அடுப்பில் குழிப்பணியாரச் சட்டியை வைத்து, குழிகளில் சிறிது எண்ணெய் விட்டு, சூடானதும், சிறு கரண்டியால் மாவை முக்கால் குழி நிரம்புமளவுக்கு ஊற்றி, முள்கரண்டியால் திருப்பி, இருபுறமும் நன்றாக வேகவிட்டு எடுக்கவும்.
தேங்காய்ச் சட்னியுடன் சேர்த்துச் சாப்பிட, இந்தப் பணியாரம் மிகச் சுவையாக இருக்கும்.
செய்முறை:-
கோதுமை மாவை மூன்று மணி நேரத்துக்கு முன்பாகவே கெட்டியாகக் கரைத்துவைக்கவும்.
வாணலியில் எண்ணெய் ஊற்றி, கடுகு, உளுத்தம்பருப்பு, கறிவேப்பிலை இட்டுத் தாளிக்கவும். அதனுடன் பொடியாக நறுக்கிய வெங்காயம், பச்சை மிளகாயைச் சேர்த்து வதக்கவும். வெங்காயம் பொன்னிறமானதும் அடுப்பை அணைத்துவிடவும்.
வதக்கிய வெங்காயக் கலவையை, கரைத்து வைத்த கோதுமை மாவில் சேர்த்து, திட்டமாக உப்புப் போட்டுக்கொள்ளவும். அடுப்பில் குழிப்பணியாரச் சட்டியை வைத்து, குழிகளில் சிறிது எண்ணெய் விட்டு, சூடானதும், சிறு கரண்டியால் மாவை முக்கால் குழி நிரம்புமளவுக்கு ஊற்றி, முள்கரண்டியால் திருப்பி, இருபுறமும் நன்றாக வேகவிட்டு எடுக்கவும்.
தேங்காய்ச் சட்னியுடன் சேர்த்துச் சாப்பிட, இந்தப் பணியாரம் மிகச் சுவையாக இருக்கும்.
********
இனிப்புப் பணியாரம்
தேவையான பொருட்கள்
கோதுமை மாவு - 1 கப்
வெல்லம் / சீனி - 1/2 கப்
துருவிய தேங்காய் - 1/4 கப்
பொடித்த முந்திரிப்பருப்பு- 1 டேபிள் ஸ்பூன்
ஏலப்பொடி - சிறிதளவு
சோடா உப்பு - ஒரு சிட்டிகை
உப்பு ஒரு சிட்டிகை
கோதுமை மாவை மூன்று மணி நேரத்துக்கு முன்பாகவே கெட்டியாகக் கரைத்துவைக்கவும்.
கரைத்துவைத்த மாவில், தேவையான அளவு வெல்லம் அல்லது சீனி, துருவிய தேங்காய், ஏலப்பொடி, பொடித்த முந்திரிப்பருப்பு, உப்பு மற்றும் சோடா உப்பு சேர்த்துக் கலந்துகொள்ளவும்.
கரைத்துவைத்த மாவில், தேவையான அளவு வெல்லம் அல்லது சீனி, துருவிய தேங்காய், ஏலப்பொடி, பொடித்த முந்திரிப்பருப்பு, உப்பு மற்றும் சோடா உப்பு சேர்த்துக் கலந்துகொள்ளவும்.
மேலே கூறியதுபோலவே குழிகளில் நெய் அல்லது எண்ணெய் சேர்த்து பணியாரம் செய்யலாம்.
சுவையான, சுலபமான மாலை நேரப் பலகாரம் தயார்!
********
கருத்துகள் இல்லை:
கருத்துரையிடுக